Pas Kanadasë, ‘Grand Tour’-i në Europë për gjithë verën i Formulës 1

Nga qershori deri në shtator, “rikhtimi në shtëpi” i garave të shpejtësisë me cirkuite interesante në kontinentin e vjetër.

Muaji maj po kalon në Amerikën e Veriut për Formulën 1. Çmimi i Madh i Miami-t – pas një ndërprerjeje të gjatë të sforcuar – ka rindezur reflektorët mbi kampionatin e motorsportit më të rëndësishëm në botë. Për garën e radhës makinat do të spostohen pak më lart, në Kanada.

Dhe pas Montrealit, njëvendëshet do të garojnë për gjithë verën në Europë. Aty ku nisi gjithçka. Etapa e parë e “Grand Tour”-it është në Monako. Qyteti-shtet pret garën më glamour të kampionatit. Edhe pse teknikisht nuk është një cirkuit shumë entuziasmues, të gjithë janë të gatshëm të paguajnë shifra astronomike për të qenë aty. Është një tërheqje e parezistueshme.

Pastaj garat vazhdojnë në Spanjë (Katalonjë), Austri dhe Britaninë e Madhe. Këtu në 1950-ën u bë gara e parë në histori e Formulës 1, kështu që Çmimi i Madh ka një shije ndryshe.

Radhën më pas radhën e ka Belgjika, me garën e Spa. Një nga cirkuitet legjendare me kthesën Eau Rouge dhe nga më të vështirët e më të paparashikueshmit e sezonit. Më tej Hungaria dhe pastaj pushimi njëmujor e rikthimi në Holandë.

Pastaj i takon Monza-s, “tempullit të shpejtësisë”, që mund të jetë vendimtare për ëndrrat botërore të Kimi Antonelli. Xhiroja e Europës do të mbyllet në Madrid.