(Pa)Siguria

E gjithë struktura e sigurisë publike duhet ribërë. Pa asnjë dyshim, po!

Struktura aktuale ka kolapsur në të gjitha pikpamjet. Strategjikisht, ligjërisht,nga ana operacionale, nga burimet njerëzpre dhe ç’është më e rëndësishmja në produkt siguria publike dhe ajo e kombit është në KOLAPS.

Hackerat e Iranit kanë bërë padyshim shumë dëm. Por të mos harrojmë se:

1. Politizimi ekstrem i burimeve njerëzore.
2. Kompromentimi i misionit të sigurisë me qëllimet elektorale të partisë.
3. Patronazhimi politik si goditje madhore e të dhënave.
4. Përmbysja e hierkive për qëllime politike (fjala vjen vendosja e policisë mbi çdo gjë tjetër).
5. Ndërhyrjet e vazhdueshne selektive në zbatimin e ligjit.
6. Bërja e ligjeve me natyrë të personalizuar dhe jo me natyrë normative,

Janë sëmundje që i kishim përpara se në skenë të na dilnin hackerat. Me thënë të drejtën hacerat nuk po nxjerrin asgjë të re. Këto që nxjerrin ata dolën edhe më parë nga patronzhimi elektoral.

Shto këtu edhe digjitalizimin asapak të sigurtë që është bërë, megjithë sasinë marramendëse të parave publike të harxhuara nëpërmjet AKSH.

E gjithë struktura ka rënë tashmë edhe si koncept. Persona në kërkim mund të hyjnë e dalin pa asnjë barrierë zyrtare. Vetëm goditjet selektive ose të rastit mund ti rrezikojnë, sepse struktura nuk mbron më sigurinë publike.

Ndërkohë agjensi si fjsla vjen SHISH rri në këmbë vetëm për të shpërndarë rroga. Vështirë të provojë ky institucion një produkt të punës së tij. Po të mos ishin agjensitë partnere, për SHISH do ishte goditur rëndë siguria e rendi Kushtetues.

Duhet rindërtuar nga e para SHISH, Policia, ushtria e çdo strukturë tjetër që garanton rend e siguri.

Duhet ribërë me një koncept të ri e të kohës në të gjitha pikpamjet.

Por qeveria moniste nuk e bën dot. Ska sesi ta bëjë sepse ajo e ka zhbërë me qëllim politik.