Po ju çfarë do të bënit me 52 mijë dollarë?

Çfarë do të bënit me 52 mijë dollarë? Epo, nëse do të ishit Kendall Jenner do të blinit një divan të çuditshëm.

Sipas aplikacionit të saj Kendallj.com, 20-vjeçarja ka mobiluar shtëpinë e saj në Los Angeles që ka një dhomë të stërmadhe, duke blerë një divan shumë të madh, të çuditshëm, por edhe të shtrenjtë.

Divani i madh dhe mjaft impresionues është punuar me dorë nga Edra, dhe katër njerëz kanë punuar në sinkron me njëri-tjetrin për më shumë se një javë për ta përfunduar.

“Edhe pse kam blerë një tufë me gjëra, jam ende në pritje për të tjerat që kam porositur”, ka thënë modelja e Calvin Klein. Ajo e bleu shtëpinë 6.5 milionë dollarë nga aktorja Emily Blunt.