“Po ra Luli nga pema të jesh ti” Rama: Patozin e futi Berisha

Në takimin me qytetarët e Elbasanit kryeministri Edi Rama i mëshoi sërish idesë së tij, se Astrit Patozin e ka shtyrë të krijojë parti të re lideri historik i demokratëve, Sali Berisha.
Duke ironizuar aleatët e Bashës, Fatmir Mediun Dash Shehun por edhe Monika Kryemadhin, Rama tha se “Ka dalë edhe partia më e re e Saliut. Futu ti i tha Patozit, të jemi 50% me 50% në rast se bie Luli nga pema”.

Pavarësisht ekzistencës së këtyre partive Rama premtoi që zgjedhjet do t’i fitojë sërish Partia Socialiste.

Nga Elbasani, i pari i qeverisë mbrojti sërish Vangjush Dakon, për akuzat e blerjes së votave.

“Po kur thonë na blenë votat dhe merren me Durrësin. Po në 2007, 2011 kur në pushtet ishte Saliu dhe i kishte të gjitha pushtetet fitoi apo humbi Dako në Durrës? Ka ndonjë që thotë se partia e Saliut, Jozefinës dhe e Olldashit ishte më e dobët se kjo e Lulit, Mulit dhe Nulit”,- vijoi Rama.