“Prania Besnike”, Balla: Partia nuk bën shtet, deputeti s’bën favore

Kreu i grupit parlamentar të PS-së Taulant Balla, në fjalën e mbajtur në Kuvend, tha se socialistët hyjnë në këtë sesion të ri parlamentar me një frymë të re. Duke folur për “Praninë Besnike” Balla theksoi se partia nuk bën shtet dhe deputeti nuk ndërmjetëson favore, por ligjvënësi do dërgojë sinjale nga territori te institucionet.

“Ne si grup parlamentar hyjmë në këtë sesion me një mënyrë të re të organizimit të marrëdhënies sonë me njerëzit, përmes ‘Besës’ dhe ‘Pranisë Besnike’. Dita ditës të dyja ato po zënë vend. Besa s’është thjesht një fjalë, por është besim, empati, besim, angazhim, 4 parime që na duhen të udhëheqin çdo kontakt tonin me qytetarin. Qytetari kërkon të dëgjohet, ku ndodhet çështja e tij, pse është vonuar, kur do marrë përgjigjen. Prania Besnike s’është kalendar elektoral dhe mbledhje parti. Prania Besnike është një sistem që e kthen dëgjimin në kusht. Partia nuk bën shtet dhe deputeti nuk ndërmjetëson favore. Deputeti është me Kushtetutë, me ligj, njeriu i duhur për të sjellë çdo sinjal të territorit te instituconi që duhet të përgjigjet. Me këtë frymë hyn grupi ynë parlamentar në këtë sesion të ri të Kuvendit”, tha Balla.