Protesta qytetare kundër projektit të Zvërnecit, reagon BE: Mbro natyrën, sa je në kohë

Teksa protestat kundër projektit në zonën e Zvërnecit kanë hyrë në ditën e nëntë, me pjesëmarrje të lartë të të rinjve dhe familjarëve në bulevardin “Dëshmorët e Kombit”, Delegacioni i Bashkimit Europian ka reaguar zyrtarisht, duke bërë thirrje për mbrojtjen e habitateve natyrore.

“Një këngë shpendi është më shumë se tingull, është shenjë e një natyre që jeton dhe merr frymë.

Mbi 49% e specieve të shpendëve në botë janë në pakësim, një sinjal i qartë se ekuilibri i ekosistemeve po vihet në provë.

Shpendët janë thelbësorë për natyrën: shpërndajnë fara, kontrollojnë insektet dhe ndihmojnë që ekosistemet të funksionojnë në mënyrë të shëndetshme.

Por humbja e habitateve dhe ndotja po i shtyjnë shumë specie drejt zhdukjes, duke e bërë natyrën më të heshtur çdo ditë.

Mbro habitatet natyrore, përpara se qielli të mbetet pa këngë shpendësh.

Mbro natyrën, sa je në kohë”, theksohet në reagim.