Protesta studentore në ditën e 22-të, kryeministri Rama përsërit thirrjen për dialog

Kryeministri Edi Rama ka përsëritur sërish mëngjesin e kësaj të marte thirrjen për dialog me studentët protestues, duke vendosur sërish përpara godinës së Kryeministrisë tavolinën prej guri, mbi të cilën janë vendosur disa letra me mbishkrimin “Dialog”.

Nga ana tjetër, studentët vijojnë të mbajnë të pandryshuar qëndrimin e tyre, duke refuzuar të ulen në tryezën e bisedimeve. Ata kërkojnë dorëheqjen e kryeministrit dhe këmbëngulin në plotësimin e kërkesave të tyre.

Protestat vijojnë çdo ditë që prej 13 tetorit, kur gjimnazistë dhe studentë janë mbledhur përpara Ministrisë së Arsimit dhe institucionet shtetërore për të shprehur pakënaqësitë e tyre.

Në mbështetje të protestuesve kanë dal edhe pedagogët, të cilët kanë bojkotuar procesin mësimor.