Qeveria bullgare do të votojë për ratifikimin e Marrëveshjes me Maqedoninë

Qeveria e Bullgarisë sot duhet të votojë për propozimin për ratifikimin e Marrëveshjes për fqinjësi të mirë me Maqedoninë në Kuvendin Popullor të Bullgarisë.

Marrëveshja ishte nënshkruar më 1 gusht në Shkup nga kryeministrat e Maqedonisë dhe të Bullgarisë, Zoran Zaev dhe Bojko Borisov, ndërsa formalisht do të hyjë në fuqi kur do të ratifikohet nga parlamentet e dy vendeve.

Zëvendëskryeministrja bullgare dhe ministre e Punëve të Jashtme Ekaterina Zaharieva paralajmëroi se pret që Marrëveshja për fqinjësi të mirë të ratifikohet në Kuvendin e Bullgarisë deri në fund të javës.

Me Marrëveshjen parashikohet avancimi i bashkëpunimit  gjithpërfshirës, ndërsa mes tjerash edhe formimin e komisionit për çështje historike-arsimore të bazës së paritetit e cila duhet të kontribuojë për dëshmi objektive dhe të bazuar në interpretim shkencor të ngjarjeve historike të lidhura me të dy vendet.