Rama në Dubai. Bisedime për portet dhe linjë ajrore me Emiratet e Bashkuara
Edi Rama zhvilloi dje në Emiratet e Bashkuara Arabe, një takim me lartësinë e tij Sheik Mohammed bin Rashid Al Maktoum.
Kryeministri theksoi gjatë takimit nevojën për të nxitur bashkëpunimin ekonomik mes dy vendeve, ndërsa ftoi sipërmarrësit nga Emiratet e Bashkuara Arabe që të investojnë në Shqipëri.
Turizmi dhe infrastruktura, sidomos portet detare, janë fushat që shihen më me interes mes dy vendeve. Gjithashtu, në takim të dy palët diskutuan edhe për mundësinë e vendosjes së një linje ajrore të Amirateve të Bashkuara që të lidhë dy vendet tona.
Lartësia e Tij, Sheik Mohammed bin Rashid Al Maktoum e falënderoi kreun e qeverisë shqiptare për vizitën, ndërsa shprehu gadishmërinë për të nxitur investimet në vendin tonë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.