Rama tek Meta/ Jemi gati për çdo datë zgjedhjesh, por jo 2 Majin. Një e pjesë e opozitës kërkoi 18 Prillin

“Ne jemi gati për çdo datë” ka thënë Edi Rama por ka kërkuar evitimin e datës 2 Maj pasi janë Pashkët Ortodokse.

Ndërkohë Meta ka transmetuar takimin me Ramën live në Facebook ku në fund e ka ftuar nëse dëshironte të pinte kafe apo çaj.

“Ju thërrita për të zhvilluar konsultimet për datën e zgjedhjeve brenda afatit që krijon kushtetuta me qëllim që të kemi një proces sa më gjithëpërfshirës dhe për të respektuar çdo ndjeshmëri. Në këtë drejtim do të isha i interesuar të dëgjoja dhe opinion tuaj si përfaqësues të PS dhe mazhorancës”, tha Meta.

Kujtojmë se presidenti priti po sot në një takim kryeministrin Edi Rama dhe pas tij, kryedemokratin Lulzim Basha dhe kryetaren e Levisjes Socialiste per Integrim Monika Kryemadhi. Për opozitën duket se 18 prilli është data më e përshtatshme për mbajtjen e zgjedhjeve parlamentare, datë kjo e artikuluar prej nënkryetarëve të partisë Republikane dhe Agrare Ambjentaliste, në një prononcim për mediat, në përfundim të takimit me Presidentin Meta.