Reagon Qeveria e Kosovës, kërkon të kapen vrasësit e Ivanoviqit
Qeveria ka dënuar ashpër aktin e vrasjes me armë zjarri të politikanit serb nga Kosova, Oliver Ivanoviq, përpara selisë së partisë së tij në pjesën veriore të Mitrovicës.
Akti i vrasjes së Ivanoviqit, sipas Qeverisë, sfidon sundimin e ligjit dhe përpjekjet për vendosjen e rendit në gjithë territorin.
“Dhuna është e papranueshme pa marrë parasysh nga kush vjen dhe ndaj kujt drejtohet”, thuhet në reagimin e Qeverisë.
Qeveria ka ftuar të gjithë qytetarët që të bashkëpunojnë me organet e rendit në zbardhjen e rastit dhe njëkohësisht nga mekanizmat e sigurisë kërkon që të kapin autorët e krimit dhe t’i sjellin ata përpara drejtësisë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.