Rijeka vendos çmimin 3 milionë euro për kartonin e Bekim Balës
Do të duhen 3 milionë euro për të marrë Bekim Balën. Ky është vlerësimi i klubit kroat të Rijekës për sulmuesin shqiptar, i cili ka admirues në Rusi dhe Turqi. Shënuesi i shtatë golave gjatë fazës së parë të kampionatit kroat, mund të kalojë në një ekip edhe më të rëndësishëm, veçse nuk do të jetë e lehtë.
Rijeka e quan Balën si një nga lojtarët më të rëndësishëm të ekipit dhe nuk dëshiron ta humbasë gjatë këtij edicioni ku synon të fitojë titullin kampion, duke qenë vetëm 2 pikë pas kryesueses Dinamo e Zagrebit.
Bala shënoi gol edhe gjatë fazës përgatitore që ekipi po zhvillon në Lindjen e Mesme, në një përballje ndaj skuadrës FC Dubai.
Në këtë ndeshje u paraqit shumë mirë edhe Odise Roshi. Mesfushori i kombëtares shqiptare ishte krijues i dy golave duke shërbyer topat për shënuesit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.