Rikthehen zjarret në Krastë të Krujës, situata kritike për shkak të depos me lëndë plasëse! Era favorizon flakët, vat�

Rikthehen zjarret në Krujë. Një tjetër vatër e re është shënuar në zonën e Krastës.

Këtë herë në pjesën veriore të saj, duke rikthyer shqetësimin për situatën e zjarreve në këtë zonë. Dyshohet se zjarri është i qëllimshëm dhe po përparon me shpejtësi, i favorizuar edhe nga era e fortë.

Situata bëhet më shqetësuese pasi në zonën ku po përparojnë flakët ndodhen depo me lëndë plasëse, të cilat përdoren për furnizimin e guroreve.

Për shkak të rrezikut, helikopteri i ushtrisë është rikthyer në zonë për të ndihmuar në përballimin e situatës.

Ndërkohë, forcat zjarrfikëse të Krujës kanë krijuar një perimetër sigurie për të penguar afrimin e flakëve pranë depove.

Situata vijon të mbetet problematike edhe në lagjen Abazaj në Krujë, ku banorët kanë kërkuar ndihmë për përballimin e zjarrit.

Qytetarët deklarojnë se kanë telefonuar për të kërkuar ndërhyrje. Forcat në terren vijojnë përpjekjet për izolimin e vatrave, ndërsa rreziku mbetet i lartë për shkak të erës dhe afërsisë së zjarrit me zonat e rrezikshme.