Shaip Kamberi voton në Tërnoc, bën thirrje për dalje masive në zgjedhje

Shaip Kamberi, bartës i listës së Koalicionit Shqiptar, ka votuar në vendlindjen e tij, në Tërnoc.

Pas votimit, Kamberi ka falënderuar qytetarët që kanë ardhur nga Kosova për të kontribuar në procesin zgjedhor.

“Falënderoj edhe qytetarët që erdhën nga Kosova për ta ndihmuar këtë proces, i cili duhet të jetë demokratik”, ka deklaruar ai, raporton KlanKosova.

Kamberi u ka bërë thirrje qytetarëve që të dalin në zgjedhje dhe ta shfrytëzojnë të drejtën e tyre demokratike për të votuar.

Ai iu drejtua jo vetëm banorëve të Tërnocit, por edhe qytetarëve të gjithë rajonit, përfshirë Bujanocin, Preshevën dhe Medvegjën.