ShBA: Të evitohen tensionet për targat

Kryeministri i Kosovës, Albin Kurti sot ka biseduar përmes telefonit me Këshilltarin Special Amerikan, Derek Chollet.

Ky i fundit në rrjetin social në Twitter, ka shkruar se me kryeministrin Kurti, ka folur për disa tema, raporton RTKlive.

“Fola sot me kryeministrin e Kosovës, Albin Kurti për ta diskutuar rëndësinë e shmangies së tensioneve dhe shtyrjes së zbatimit të vendimit për targat e reja, pa konfiskime apo gjoba. Gjithashtu, diskutuam edhe partneritetin dhe objektivat e përbashkëta për ta avancuar integrimin evropian dhe euro-atlantik të Kosovës”, ka njoftuar Chollet.

Postimin e këshilltarit special amerikan, Derek Chollet, në Twitter e ka shpërndar edhe Ambasadori i ShBA në Kosovë, Jeff Hovenier.

“E rëndësishme që të shmangen tensonet dhe të shtyhet vendimi për zbatimin e targave. Po ashtu, ne dënojmë veprimet intimiduese apo hakmarrëse ndaj tyre që kanë konvertuar targat e tyre”, ka shkruar ambasadori Hovenier.