Shefi i McLaren, Zak Brown, sulmon Mercedesi-n për interesin e shfaqur për Alpine dhe vendos bast për transferimin e Verstappen te skuderia gjermane

Prej kohësh ka qenë kritik me skuderitë, të cilat kontrollojnë më shumë se një ekip në Formula 1. Bosi i McLaren na daljen më të fundit përpara gazetarëve ka konfirmuar qëndrimin e tij duke komentuar me nota negative interesin që ka shfaqur Mercedes për një pjesë të aksioneve të skuderisë Alpine.

“Prej vitesh kam ngritur zërin kundër skuderive, të cilat kanë dy skuadra në Formula 1. Mendoj se skiderite me ekipe A dhe B nuk nderojnë këtë sport madje mund të themi se kërcënojnë edhe integritetin e garës. Ka ndodhur që një pilot ka bërë xhiron më të shpejtë të garës duke na marrë ne një pikë. Daniel Ricciardo kur garonte për Racing Bulls na mori ne një pikë duke ndihmuar kështu Max Verstappen të Red Bull në Çmimin e Madh të Singaporit në 2024. Kemi parë që të dhëna të rëndësishme apo dhe burime njerëzore janë transferuar nga një ekip në tjetrin brenda natës, kjo nuk është e drejtë”, argumentoi Brown.

I gjendur përballë gazetarëve për eventin e organizuar nga Formula 1 me rastin e Çmimit të Madh në Miami, 54-vjeçari iu përgjigj pyetjes sa i përket të ardhmes së Max Verstappen. “Do të vendosja bast për transferimin e Max-it te Mercedes-i”, tha amerikani.