Shefi i shtabit izraelit Eyal Zamir: “Lufta në Liban nuk ka mbaruar” — operacionet do të vazhdojnë “thellë brenda” Libanit

Shefi i Shtabit të Përgjithshëm të ushtrisë izraelite, Eyal Zamir, ka deklaruar se forcat izraelite do të vazhdojnë të operojnë “thellë brenda” Libanit, duke theksuar se lufta atje “nuk ka mbaruar”. Deklarata u bë gjatë një vizite që ai zhvilloi në kufirin verior të Izraelit me Libanin, raporton Al Jazeera.

Zamir tha se ushtria izraelite ka bërë përparim të ndjeshëm në dobësimin e Hezbollahut në jug të Libanit. Sipas tij, Izraeli “nuk do ta lejojë Hezbollahun të rindërtojë forcat e tij, të rikthejë aftësitë e tij apo të përbëjë kërcënim për banorët e veriut dhe Shtetin e Izraelit”.

Deklarata vjen në një moment përshkallëzimi në frontin libanez, ku vetëm këtë javë artileria izraelite ka goditur disa zona në jug të Libanit, përfshirë al-Mansourin, Beit Yahounin dhe Aita al-Jabalin, ndërsa zjarre kanë shpërthyer në zona pyjore pas granatimeve.

Izraeli i ka shtuar operacionet në Liban paralelisht me luftën e SHBA-së kundër Iranit, me argumentin se po parandalon rindërtimin e kapaciteteve ushtarake të Hezbollahut, aleatit kryesor të Teheranit në rajon.

Burimi: Al Jazeera