Sherbimet e inteligjences dhe te sigurisë kthejnë Erionin 8 vjeç nga Siria

Pas gati pesë muajsh tetëvjeçari Erion Zena është kthyer nga Siria në Kosovë.

Ai ka humbur mësimet për disa muaj, ndërkaq tek të hënën e ardhshme pritet ti kthehet mësimit dhe klasës së tij III/4 në shkollën fillore “Dardania”.
Mësuesja e tij Florije Sadikaj, i ka thënë “Zërit” se sipas fjalëve të nënës së tij Pranverës, Erionit i duhet pak kohë për pushim.

“Sot kam biseduar me nënën e tij dhe më ka lajmëruar se Erioni nuk mund të fillojë shkollën sot pasi që është i shqetësuar. Mirëpo Erioni do tu kthehet bankave shkollore të hënën”, ka njoftuar Florija.

E për të marr një informacion nga nëna e Erionit Pranvera, e cila për tërë këta muaj nuk është ndalur as edhe për një moment duke bërë thirrje publike burrit të saj Arbenit i cili e ka marr Erionin në Siri ta kthejë atë por edhe institucioneve të evndit, sot nuk kemi mundur të kontaktojmë me të.