Shirat e rrëmbyeshëm në Kinë lënë një person të vdekur dhe 17 të zhdukur

Të paktën një person ka humbur jetën dhe 17 të tjerë rezultojnë të zhdukur pas reshjeve të dendura që goditën distriktin Yongchuan në jugperëndim të Kinës, raportuan mediat shtetërore të dielën.

Sipas agjencisë kineze , shirat e rrëmbyeshëm nisën të shtunën në mbrëmje dhe vazhduan deri në mesditën e së dielës. Fshatrat Guankouwan dhe Hanjiagou regjistruan përkatësisht 296.7 milimetra dhe 256.9 milimetra reshje, nivele të konsideruara si stuhi ekstreme.

Autoritetet meteorologjike paralajmëruan se reshjet e vazhdueshme, të kombinuara me shirat e mëparshëm, rrisin ndjeshëm rrezikun për katastrofa gjeologjike, përfshirë rrëshqitje dheu, shembje terreni dhe rrjedhje mbeturinash.

Përballë situatës, autoritetet kineze aktivizuan reagimin emergjent të Nivelit III për fatkeqësitë gjeologjike në distriktin Yongchuan.

Ndërkohë, ekipet e emergjencës dhe shërbimet e shpëtimit po vazhdojnë operacionet për gjetjen e personave të zhdukur dhe menaxhimin e pasojave të motit ekstrem.