Shtohen sipërfaqet e mbjella me kastravecë në Myzeqe – Tv Klan

Është produkti më i kërkuar nga eksporti. Bëhet fjalë për kastravecin konishon që prodhohet në tokat e Myzeqesë dhe shkon në vendet e Bashkimit Europian.

Kjo është periudha kur nis procesi i eksportit për këtë produkt dhe zgjat deri në fund të muajit korrik.

Kontratat lidhen me fermerët më herët ndërsa ky kultivar mbillet në Lushnjë Fier dhe Berat.

Vetë prodhuesit janë të kënaqur me tregun ndërsa cmimi për këtë kulturë është i pandryshueshëm gjatë gjithë sezonit.

Prodhimi është i kënaqshëm ndërsa fermerët thonë se e mbjellin konishonin prej vitesh.

Sipërfaqet e mbjella me këtë lloj kastravec po shtohen nga viti në vit ndërsa numri i fidanëve të mbjellë është rreth 1.5 milionë.

Fermerët kanë gjithashtu edhe listën e pesticideve që mund të përdorin.

Shqipëria është kthyer në lider në rajon për prodhimin e konishonit që përdoret kryesisht për turshi.

Vitin që shkoi nga Myzeqeja u eskprtuan rreth 6500 ton konishon ndërsa këtij vit sasia pritet të arrij në 8500 ton.

Klan News

/tvklan.al