Shtyhet afati për ndërrimin e targave në Kosovë deri më 21 prill 2023, si do procedohet deri atëherë
Qeveria e Kosovës në mbledhjen e mbajtur këtë të premte, ka marrë vendim të ri lidhur me konvertimin e targave ilegale të lëshuara nga Serbia në legale RKS.
Kryeministri i Kosovës Albin Kurti me anë të një statusi i shpreh se ky vendim bën shkallëzim të sanksioneve, konkretisht për tre javë, ata të cilët nuk e zbatojnë vendimin për konvertimin e targave do të qortohen.
Më pas nga 21 nëntori për dy muaj do të jetë masa e gjobitjes dhe më pastaj nga 21 janari do të kemi targa provës për dy muaj të tjerë, pas së cilës datë më 21 prill nuk mund të lejohen targa të tjera.
“Për tre javë duke filluar nga data 1 nëntor deri më 21 nëntor masa do të jetë ajo e qortimit, pastaj nga 21 nëntori për dy muaj do të jetë masa e gjobitjes dhe më pastaj nga 21 janari do të kemi targa provës për dy muaj të tjerë, pas së cilës datë më 21 prill nuk mund të lejohen targa të tjera.
Ne tregojmë seriozitetin tonë që pa dyshim ta zbatojmë vendimin që kemi marrë, por në të njëjtën kohë tu japim shance të gjithë atyre që janë të interesuar që të integrohen.
Kjo është mënyra që edhe ta zbatojmë rendin dhe ligjin, por në anën tjetër ta kemi edhe ta kemi përgjigjen për ndjeshmërinë e shtuar ndërkombëtare sa i përket paqes dhe sigurisë në vendin tonë.”
Në Kosovë në qarkullim janë rreth 10 mijë automjete që mbajnë targat ilegale të lëshuara nga Serbia.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.