Sofja i përgjigjet Shkupit: BE-ja është e mirëpritur në bisedimet me Bullgarinë, por obligimet mbeten

Ministria e Punëve të Jashtme e Bullgarisë i është përgjigjur kërkesës së homologut maqedonas Timço Mucunski që përfaqësuesit e Bashkimit Europian apo të vendeve anëtare të jenë të pranishëm në bisedimet e ardhshme mes Maqedonisë së Veriut dhe Bullgarisë — kërkesë e bërë gjatë Asamblesë së Përgjithshme të OKB-së në Nju Jork, për shkak të mungesës së besimit të ndërsjellë.

Sofja zyrtare thekson se mbetet e hapur për dialog konstruktiv dhe pret që “fqinji ynë jugperëndimor” të përmbushë obligimet e marra për të ecur përpara në rrugën europiane. Sipas saj, integrimi europian i Maqedonisë së Veriut duhet të vlerësohet vetëm brenda institucioneve europiane.

Bullgaria insistojnë në konsensusin europian të korrikut 2022, që parasheh përfshirjen e bullgarëve në Kushtetutën e Maqedonisë së Veriut si kusht për vazhdimin e negociatave, ndërsa Shkupi kërkon garanci se nuk do t’i vendosen kushte të reja bilaterale.

Reagimi vjen në një moment kur udhëheqja shtetërore e Maqedonisë së Veriut ka intensifikuar kontaktet me BE-në në prag të vizitës së presidentes së Komisionit Europian Ursula von der Leyen në Ballkanin Perëndimor: kryeministri Hristijan Mickoski u takua në Nju Jork me shefen e diplomacisë europiane Kaja Kallas, ndërsa presidentja Gordana Siljanovska-Davkova u takua me eurodeputetin Thomas Waitz dhe ambasadorin e BE-së në Shkup, Mihalis Rokas.

Burimi: +инфо / TIME.mk