SOT NIS VITI I RI SHKOLLOR NË TË GJITHA KOMUNAT E MALIT TË ZI, PËRVEÇ DANILLOVGRADIT

_{Foto: Boris Pejović}

Ministria e Arsimit, Shkencës dhe Inovacionit e Malit të Zi njoftoi se viti shkollor 2026/27 nisi sot, më 1 shtator, në të gjitha komunat në Mal të Zi, me përjashtim të Danillovgradit.

Ministria bëri të ditur se ka ndjekur nga afër situatën e sigurisë dhe ka qenë në komunikim të vazhdueshëm me Drejtorinë e Policisë, duke qenë e gatshme të shtyjë fillimin e vitit shkollor nëse do të ishte e nevojshme.

“Duke pasur parasysh se kërkimi për personin për të cilin po punohej ka përfunduar, viti shkollor, në përputhje me Kalendarin Shkollor, me përjashtim të Komunës së Danillovgradit, nis më 1 shtator”, thuhet në njoftimin e ministrisë.

Për shkak të ditëve të zisë të shpallura pas tragjedisë, pritja solemne e nxënësve të klasave të para në të gjitha shkollat fillore është shtyrë për më 3 shtator.

Ministria falënderoi Drejtorinë e Policisë për bashkëpunimin dhe përcjelljen në kohë të të gjitha informacioneve relevante, si dhe drejtuesit e institucioneve arsimore, mësuesit, edukatorët, prindërit dhe nxënësit për bashkëpunimin, durimin dhe mirëkuptimin.