Spalletti piketon te rivalët e Napoli përforcimin e duhur për mesfushën e Juve, kushton 35 milionë euro

Sipas “Tuttosport”, Luciano Spalletti e ka identifikuar Stanislav Lobotka si prioritet për forcimin e mesfushës së Juventus. Gjithsesi, Napoli tashmë ka ndërmarrë hapa për të siguruar mesfushorin sllovak, duke propozuar një zgjatje të kontratës që skadon në vitin 2027.

Trajneri, i cili tashmë e kishte vënë në dukje mesfushorin gjatë sezonit fitues të titullit kampion të Seria A, po përpiqet ta sjellë atë në Torino, megjithëse drejtuesit e Juventus ende nuk kanë bërë një ofertë zyrtare për lojtarin.

Ajo që i ndërlikon planet e bardhezinjve është dëshira e Napoli për ta mbajtur lojtarin, e kombinuar me faktin se klauzola aktuale e lirimit prej 25 milionë eurosh në marrëveshjen e sllovakut është e vlefshme vetëm për një transferim jashtë vendit.

Si pasojë, për të bindur Napoli të shesë lojtarin e tyre kyç te një rival i drejtpërdrejtë në Serie A, Juventus do të duhet të ofrojë jo më pak se 35 milionë euro, ndërsa lojtari ka pezulluar përkohësisht të gjitha vendimet për të vlerësuar me qetësi të ardhmen e tij.