STRASBURG – Përleshje në protestën e studentëve, barrikada dhe gaz lotsjellës

STRASBURG, 6 tetor /ATSH-ANSA/ – Pas një marshimi paqësor ku morën pjesë mijëra persona, mes tyre edhe disa delegacione eurodeputetësh të së majtës, situata u tensionua në zonën universitare të Strasburgut.

Qindra studentë u drejtuan nga zona e universitetit drejt qendrës së qytetit, por u ndaluan nga forcat e policisë kombëtare të pajisura për trazira, të cilat përdorën gaz lotsjellës.

Në rrugë u ngritën gjithashtu barrikada, ndërsa pati përplasje mes protestuesve dhe policisë.

Ngjarjet ndodhën pas një marshimi që fillimisht ishte zhvilluar në mënyrë paqësore dhe me pjesëmarrje të gjerë.

Studentët, pasi kishin ndërtuar barrikada me kontejnerë mbeturinash dhe materiale ndërtimi, filluan të hidhnin objekte dhe gurë drejt oficerëve, të cilët u përgjigjën me gaz lotsjellës.

Pas disa minutash ”luftimesh”, policia arriti të lironte rrugën dhe t’i shtynte studentët në kopshtet e universitetit, por nuk u përball drejtpërdrejt me ta me mburoja dhe shkopinj gome.

Pak para përleshjeve, eurodeputetët e Francës së ”Insoumise”, Emma Fourreau dhe Anthony Smith, qëndruan në fund të marshimit./ /Ad.Ab./ a.jor.