Të famshmit nën 30-vjeç më të paguar gjatë 2016-s

Taylor Alison Swift ka lindur më 13 dhjetor 1989 në Reading, Pensilvani. Duke iu falënderuar turit botëror të albumit “1989”, i cili ka për titull vitin e saj të lindjes, 26-vjeçarja arkëtoi 170 milionë dollarë në vit, duke e shndërruar atë si të famshëm nën 30-vjeç që ka arkëtuar më shumë, sipas revistës “Forbes”.

Përpos sukseset me albumin dhe turin, “Forbes” liston edhe marrëveshjet e frytshme të marketingut të Swift me kompani të mëdha si “Diet Coke”, “Apple” dhe “Keds” si burimin tjetër kryesor të të ardhurave të këngëtares tepër të kuotuar të momentit.

Taylor i ka lënë pas shumë prej të famshmëve të tjerë, përfshirë edhe djemtë e grupit One Direction që janë të dytët, pastaj 5 herë fituesin e “Topit të Artë” Lionel Messin që është i treti apo edhe britaniken Adelen, fituese e disa çmimeve “Grammy”, që është në vendin e katërt.

Lista e “Forbes” përfshin të ardhurat që këta personazhe kanë arkëtuar nga periudha 1 qershor 2015 deri më 1 qershor 2016.