Terapia hormonale për transgjinorët, Koalicioni Shqiptar pro Familjes dhe Jetës marshim me rastin e 1 Qershorit

Me rastin e 1 Qershorit, në orën 18:00, në sheshin “Skënderbej” në Tiranë, Koalicioni Shqiptar pro Familjes dhe Jetës do të organizojë “Marshimin për Jetën”.

Sipas organizatorëve, mësohet se në kuadër të aktivitetit do të zhvillohet edhe një marshim drejt Ministrisë së Shëndetësisë, ku qytetarët do të shprehin qëndrimin e tyre kundër futjes së terapive hormonale për persona transgjinorë në sistemin publik shëndetësor.

Po ashtu, ata kërkojnë që çështje të tilla të trajtohen me debat publik dhe përfshirje të familjeve shqiptare.

“Me rastin e 1 Qershor në orën 18:00, Koalicioni Shqiptar pro Familjes dhe Jetës do të organizoje në sheshin Skënderbej, Marshimin për Jetën.

Mësohet se në këtë ditë për fëmijët do të ketë edhe një marshim drejt Ministrisë së Shëndetësisë ku qytetarët do të ngrenë zërin kundër futjes së terapive hormonale transgjinore në sistemin publik shëndetësor dhe se do të kërkojnë që çështje kaq të rëndësishme të mos kalojnë në heshtje, pa debat serioz publik dhe pa dëgjuar familjet shqiptare.

Shëndetësi për qytetarët, jo ideologji në sistemin publik shëndetësor. Ju ftojmë të pasqyroni në mediat tuaja këtë aktivitet të rëndësishëm

Për fëmijët. Për familjen. Për jetën. Koalicioni Shqiptar pro Familjes dhe Jetës”, thuhet në njoftimin e plotë.