Tërhoqën zvarrë protestuesin në Zvërnec, në pranga edhe 2 persona të tjerë (EMRAT)

Policia e Vlorës ka arrestuar dhe 2 persona të tjerë lidhur me dhunën ndaj një protestuesi disa ditë më parë në Portonovë, Zvërnec.

Në pranga u vunë shtetasit Artur Grami, 35 vjeç dhe Gazmend Vathi, 41 vjeç, banues në Tiranë, pasi Gjykata e Vlorës iu ka caktuar masën e sigurisë “Arrest në burg”, për veprën penale “Heqja e paligjshme e lirisë”.

“Të dy akuzohen se në bashkëpunim me shtetasin Geraldo Biba (të arrestuar), kanë tërhequr me forcë, drejt vendit të rezervuar për rojet, pjesëmarrësin në tubim, shtetasin E. S., të cilit i kanë shkaktuar dëmtime trupore.

Më tej, nga verifikimet rezultoi se shtetasit e ndaluar, Artur Gram dhe Gazmend Vathi, nuk figurojnë të regjistruar apo të licencuar nga asnjë subjekt për shërbim privat të sigurisë fizike”, bëri me dije policia.

Materialet procedurale iu referuan Prokurorisë së Vlorës, për veprime të mëtejshme.