⛅
Tiranë 15°C · Pjesërisht vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 85.22 ▼0.58%
ARI 3,877 ▲0.63%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,417 ▼ -0.29% ETH $1,822 ▲ +0.49% XRP $0.9562 ▲ +0.42% SOL $72.4000 ▲ +1.71%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 85.22 ▼0.58 % ARI 3,877 ▲0.63 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 85.22 ▼0.58 % ARI 3,877 ▲0.63 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Kosova

“Thaçi 2” para verdiktit, sot shpallet aktgjykimi për ndërhyrjen e pretenduar te dëshmitarët

Ish-presidenti i Kosovës, Hashim Thaçi, dhe katër të bashkëakuzuarit e tij do të përballen sot me vendimin e Gjykatës Speciale në Hagë, në rastin që lidhet me ndërhyrjen e pretenduar te dëshmitarët.

Shpallja e aktgjykimit është caktuar për orën 10:00, ndërsa gjykatësi Christopher Gosnell ka urdhëruar praninë e të 5 të akuzuarve në seancë.

Përveç Thaçit, vendimin do ta dëgjojnë edhe ish-drejtori i Agjencisë së Kosovës për Inteligjencë (AKI), Bashkim Smakaj, ish-kryetari i Malishevës, Isni Kilaj, ish-ministri Hajredin Kuçi dhe Fadil Fazliu.

Në qendër të përplasjes mes palëve janë bisedat e regjistruara gjatë vizitave në paraburgim: çfarë është thënë, kush ka folur dhe çfarë provojnë ato.

Sipas Prokurorisë, bëhet fjalë për rreth 28 orë biseda të regjistruara gjatë 9 vizitave, në një periudhë prej 4 muajsh.

Në anën tjetër, mbrojtja e Thaçit ka kundërshtuar pretendimet e Prokurorisë, duke argumentuar se nuk janë paraqitur prova që dëshmojnë kontakte të papërshtatshme me dëshmitarët në emër të ish-presidentit.

Avokatët kanë vënë në dyshim edhe saktësinë dhe besueshmërinë e transkripteve të bisedave, duke pretenduar se disa pjesë të tyre kanë qenë të pakuptueshme dhe se mënyra e transkriptimit mund të ketë ndikuar në interpretimin e përmbajtjes.

Për këtë çështje, mbrojtja ka thirrur eksperten Helen Fraser, e cila ka vlerësuar se besueshmëria e transkripteve ishte e ulët. Megjithatë, ajo ka sqaruar se nuk mund të konstatonte se transkriptet ishin të pasakta, duke pranuar edhe kufizimin që lidhej me mosnjohjen e gjuhës shqipe.

Prokuroria i ka kundërshtuar këto vlerësime, duke mbrojtur besueshmërinë e incizimeve dhe materialeve të tjera që, sipas saj, mbështesin akuzat.

Mbrojtja ka argumentuar gjithashtu se disa nga informacionet e cilësuara si konfidenciale kanë qenë të njohura publikisht ose kanë përbërë kujtime të përbashkëta të Thaçit me vizitorët.

Të 5 të akuzuarit janë deklaruar të pafajshëm.

Aktgjykimi i sotëm pritet t’u japë përgjigje pretendimeve të Prokurorisë dhe kundërshtimeve të mbrojtjes në këtë proces të veçantë gjyqësor, i njohur edhe si rasti “Thaçi 2”.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.