Thaçi në Kanada: Kosova është bërë eksportuese e sigurisë
Presidenti i Kosovës, Hashim Thaçi, ka qenë ndër folësit në panelin e ditës së parë të Konferencës Ndërkombëtare të Sigurisë të Halifaxit e në të cilën u diskutua për të ardhmen e intervenimeve ndërkombëtare dhe të misioneve ndërkombëtare.
Duke treguar për përvojën e Kosovës, presidenti Thaçi u shpreh se bota mund të mësojë shumë nga sukseset, por edhe lëshimet e misioneve ndërkombëtare në Kosovë.
“E para që duhet të mësohet është nevoja për të komunikuar me komunitetin vendor”, tha presidenti Thaçi, duke shtuar se ndonëse qytetarët e Kosovës ishin të okupuar nuk do të thotë edhe se ishin të paemancipuar.
Presidenti Thaçi u shpreh se sot Kosova është kthyer nga një konsumuese e sigurisë në eksportuese të sigurisë.
“Çelës ka qenë komunikimi me të gjithë, gjithë-përfshirja dhe afirmimi i vullnetit për paqe dhe pajtim”, është shprehur Thaçi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.