Jeton Sylaj sillet në Gjykatë, injoron pyetjet e gazetarëve për vrasjen e Arlinda Zekajt

Jeton Sylaj është sjellë sot në Gjykatë, ndërsa gjatë shoqërimit të tij, ai nuk u është përgjigjur pyetjeve të gazetarëve lidhur me rastin e vrasjes së Arlinda Zekajt.

Gazetarët e kanë pyetur Sylajn nëse vrasja e Arlindës ishte e planifikuar, por ai ka zgjedhur të mos reagojë ndaj pyetjeve të parashtruara.

Rasti i vrasjes së Arlinda Zekajt, më 25 tetor në Vitomiricë të Pejës, ka nxitur reagime të shumta dhe ka rikthyer në vëmendje shqetësimet për dhunën ndaj grave dhe nevojën për mbrojtjen e tyre. /Telegrafi/