Tre policët e Podujevës nderohen me medalje për shpëtimin e jetës
Tre zyrtarët e Stacionit të Policisë në Podujevë janë nderuar me medalje për shpëtimin e jetës pas intervenimit të 2 korrikut, ku në atë qytet u plagosën tre persona.
Tre policët e Stacionit të Policisë në Podujevë janë nderuar me medalje për shpëtimin e jetës.
Skender Fetahu ishte një nga policët që intervenoi më 2 korrik në rastin ku në këtë qytet u plagosën tre persona — me guxim dhe vetëmohim ai arriti ta çarmatoste njërin nga të dyshuarit.
Dy zyrtarët e tjerë policor, Nazimi dhe Shqiproni, arritën të parandalonin më të keqen, duke i shpëtuar jetën një vajze.
Krenare me veprimin e kolegëve të saj u shpreh togerja Antigona Çitaku-Dibrani: “Sot, tre heronj të Stacionit tonë u nderuan me medalje për shpëtim jete. Krenare për ju dhe për guximin, përkushtimin dhe profesionalizmin që dëshmoni çdo ditë në shërbim të qytetarëve. Urime dhe respekt të pafund për ju!”, ka shkruar ajo.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.