Trump hedh poshtë pretendimet për mungesë municionesh: Kemi më shumë nga sa mund të përdorim

Presidenti i SHBA-së, Donald Trump, hodhi poshtë të martën pretendimet se SHBA-së po i mbarojnë municionet, duke thënë se vendi ka furnizime të mjaftueshme dhe po vazhdon të zgjerojë rezervat e tij.

“Frikacakët dhe tradhtarët do të donin shumë të thoshin se Shtetet e Bashkuara kanë pak municione. Nuk është e vërtetë”, tha Trump në platformën e tij Truth Social.

“Ne kemi më shumë municione sesa mund të mendojmë ndonjëherë të përdorim dhe po i grumbullojmë ato tani në nivele që nuk i kemi parë kurrë më parë”, shtoi ai.