UASHINGTON – Senati i SHBA-së miraton projektligjin për sanksione ndaj Rusisë

UASHINGTON, 7 gusht /ATSH-DPA/- Senati i Shteteve të Bashkuara të Amerikës ka miratuar një projektligj për vendosjen e sanksioneve të reja ndaj Rusisë, me synimin për të rritur presionin ndaj Moskës për luftën në Ukrainë.

Projektligji u miratua me një shumicë prej 86 votash pro dhe 11 kundër, por për t’u bërë ligj duhet të miratohet edhe nga Dhoma e Përfaqësuesve.

Nisma u udhëhoq kryesisht nga senatori i ndjerë amerikan, Lindsey Graham.

Përveç sanksioneve të drejtpërdrejta ndaj politikanëve dhe kompanive ruse, projektligji synon të kufizojë më tej eksportet ruse të naftës dhe gazit, të cilat konsiderohen burim kyç financimi për luftën në Ukrainë.

Projektligji i jep autoritet presidentit amerikan, Donald Trump të vendosë sanksione ndaj pesë blerësve më të mëdhenj të burimeve energjetike ruse, si edhe ndaj pesë vendeve që ndihmojnë më shumë Rusinë, të anashkalojë sanksionet në sektorin e energjisë.

Një masë e tillë mund të rrisë më tej tensionet tregtare të SHBA-së me Kinën dhe Indinë, dy importuesit kryesorë të naftës bruto ruse.

Dhoma e Përfaqësuesve ndodhet aktualisht në pushim parlamentar dhe nuk pritet ta shqyrtojë projektligjin para muajit shtator. /