UKRAINË – Zelensky emëron Ievgueni Khmaran ministër të përkohshëm të Mbrojtjes

KIEV, 16 korrik /ATSH -AFP/ – Presidenti ukrainas, Volodymyr Zelensky emëroi sot Ievgueni Khmaran, një zyrtar me përvojë në shërbimet e zbulimit, si ministër të përkohshëm të Mbrojtjes, pas largimit të paraardhësit të tij, një vendim që ka shkaktuar polemika në Ukrainë.

Në një mesazh të publikuar në rrjetin social X, Zelensky bëri të ditur se i ka besuar Khmarës drejtimin e përkohshëm të ministrisë dhe vazhdimin e reformave në sektorin e mbrojtjes.

Presidenti ukrainas vlerësoi përvojën e tij të gjatë në Shërbimin e Sigurisë së Ukrainës (SBU), duke theksuar se ai ka një bazë të fortë profesionale për të udhëhequr këtë institucion në një periudhë sfiduese.

Ministri ukrainas i Mbrojtjes, Mykhailo Fedorov, dha dje dorëheqjen nga posti i tij, pas dorëheqjes së kryeministres, si pjesë e një riorganizimi qeveritar të urdhëruar nga presidenti Volodymyr Zelensky.

“Ka qenë një nder i madh t’i shërbej popullit ukrainas si ministër i Mbrojtjes”, shkroi ai në Telegram në një mesazh të gjatë ku rendiste sukseset e ministrisë së tij, të cilën e kishte drejtuar që nga janari./ /Ad.Ab./ a.jor.