Varufakis: Greqia nuk bën blof për dalje nga euroja nëse duhet të pranojë ende kursime

Rreziku që Greqia ta braktisë euron nëse duhet të pranojë ende masa për kursime nuk është blof, deklaroi ministri grek i Financave Janis Varufakis duke shtuar se askush nuk mund të parashikojë se cilat do të jenë pasojat nga një dalje e tillë.

Në bisedë me filozofin norvegjez Xhon Elster të bërë nga fundi i muajit mars dhe e publikuar në një revistë franceze, Varufakis thotë se nuk është koha të bëhet blof rreth negociatave për debinë e Greqisë.

“Nuk mund të bëjmë më blof. Kur them se do të përfundojmë me atë që do ta braktisim euron, nëse duhet të pranojmë edhe më shumë kursime të paqëndrueshme, kjo nuk është blof”, ka thënë Varufakis.

Në pyetjen se çka do të ndodh nëse Greqia e braktis eurozonën, Varufalkis u përqendrua në komentet nga ana e politikanëve evropianë të cilët thonë se efekti infektimit mund të shmanget. Ai, megjithatë, shton se beson se pasojat do të paparashikueshme.

“Secili që shtiret se ka njohuri për atë se çka do të ndodhë në ditën kur do të shtyhemi në humnerë, flet marrëzira dhe punon kundër Evropës”, theksoi ministri grek i Financave.