Vlorë, gjendet shtetasi amerikan që kishte humbur orientimin, ndërhyjnë forcat Delta

Një shtetas amerikan është gjetur mbrëmjen e sotme në zonën e Bristanit, në Vlorë, pasi kishte humbur orientimin dhe kishte pësuar dëmtime në këmbë, të cilat e pengonin të largohej vetë.

Operacioni i kërkim-shpëtimit nisi rreth orës 18:00, me angazhimin e forcave të Njësisë Speciale Delta. Pas rreth tre orësh kërkimesh nga toka, efektivët arritën ta lokalizonin dhe ta gjenin në orën 20:45.

Pas nxjerrjes nga zona ku ndodhej, shtetasi amerikan u transportua drejt Vlorës për të marrë ndihmën e nevojshme mjekësore.

Sipas informacionit paraprak, gjendja e tij shëndetësore paraqitet e mirë.