Zayn Malik mendon martesën

Ka kaluar vetëm një javë nga momenti kur Zayn Malik u akuzua se kishte tradhtuar të fejuarën e tij Perrie Edwards, pasi u fotografua me një bjonde në Tajlandë, por duket se për çiftin kjo nuk ka qenë aspak problem, pasi ata janë shfaqur më të lumtur se kurrë dhe po kërkojnë një shtëpi ku mund të jetojnë së bashku.

Sipas raportimeve të ‘Sunday Mirror’, ish-pjesëtari i grupit One Direction dhe partnerja e tij jo vetëm që po planifikojnë të jetojnë së bashku, por gjithashtu të martohen sa më shpejt të jetë e mundur.

Zayn dhe Perrie janë fejuar në vitin 2013, por martesa nuk ishte në planet e tyre të afërta për shkak të axhendave të zëna të çiftit.

Megjithatë, një burim ka thënë se “Zayn dëshiron të martohet sa më shpejt të jetë e mundur”.