Zëdhënësi i Aleancës thotë se profile me foto të Kurtit po e ofendojnë Haradinajn
Kushtrim Xhemaili e quajti veprimin të gërditshëm dhe foli për gjuhë përçarëse
Ish-kryetari i Aleancës për Ardhmërinë e Kosovës, Ramush Haradinaj, derisa ishte në një intervistë në një nga televizionet vendore, ka pranuar ofendime nga profile që mbajnë fotografinë e kryeministrit Albin Kurti, njofton Klan Kosova.
Lidhur me këtë rast ka reaguar zëdhënësi i AAK-së, Kushtrim Xhemaili, i cili e ka quajtur këtë veprim të gërditshëm.
Sipas tij, këto profile po përdorin gjuhë përçarëse.
“Për besë e turpshme, e gërditshme! Ndërsa në shesh brohoritet për luftën tonë të drejtë, e Haradinaj flet me krenari për të kaluarën tonë, kjo makineri virtuale vjell vrer ndaj njeriut që doli dy herë faqebardhë nga Haga”, ka shkruar Xhemaili në Facebook, transmeton Klan Kosova.
Nuk dihet se kush qëndron saktësisht prapa këtyre profileve, të cilat pretendohet të jenë false.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.