Abissnet Superiore: Zgjidhet formacioni më i mirë i javës 35, dominon Tirana

Trajnerët e ekipeve kombëtare të moshave në FSHF kanë zgjedhur 11-tëshen dhe trajnerin më të mirë të javës së 35-të të Abissnet Superiore, që transmetohet në RTSH.

Dominon Tirana, që fitoi 1-0 kundër Vllaznisë në stadiumin “Selman Stërmasi”. Përveç trajnerit Orges Shehi, i vlerësuar si më i miri edhe këtë javë, bardheblutë kanë 3 lojtarë në formacionin më të mirë: Bekaj, Vera dhe Rafael.

Nga dy lojtarë kanë në këtë formacion Eganatia (Alijev dhe Fernando), Dinamo (Aliji dhe Bregu) dhe Bylisi (Marku dhe Pedro), kurse Vora dhe Teuta përfaqësohen me nga një lojtar, përkatësisht Kasallën dhe Boçin.