Aksident i rëndë në aksin Rrogozhinë-Lushnjë, furgoni përplaset me mjetin bujqësor, 50-vjeçari dërgohet me urgjencë te

Një aksident rrugor është regjistruar mëngjesin e sotëm në aksin Rrogozhinë-Lushnjë, në vendin e quajtur Rotondo e Çermës.

Në aksident janë përfshirë një furgon mallrash dhe një mjet bujqësor. Sipas informacioneve paraprake nga vendngjarja, furgoni ka goditur nga pas mjetin bujqësor. Si pasojë drejtuesi i mjetit bujqësor ka mbetur i lënduar dhe ndodhet në gjendje të rëndë.

I plagosuri është identifikuar si Ajet Kullolli, 50 vjeç, banues në Çermë. Ai ka marrë ndihmën e parë në spitalin e Lushnjës, por për shkak të gjendjes së rënduar shëndetësore është transportuar më pas drejt Spitalit të Traumës në Tiranë.

Ndërkohë, grupi hetimor ndodhet në vendngjarje dhe po punon për të përcaktuar shkaqet dhe rrethanat e plota të aksidentit.