Aksident në aksin Elbasan–Peqin, përplasen dy automjete në fshatin Përparim

Një aksident i rëndë rrugor është regjistruar këtë të martë në aksin Elbasan–Peqin, në fshatin Përparim.

Sipas informacioneve paraprake, dy automjete janë përplasur me njëri-tjetrin, pasi njëri prej tyre dyshohet se ka humbur kontrollin. Si pasojë e përplasjes janë shkaktuar dëme të konsiderueshme materiale.

Deri në këto momente nuk raportohet për persona të plagosur.

Në vendngjarje kanë mbërritur shërbimet e policisë, ambulanca dhe forcat zjarrfikëse, të cilat po kryejnë veprimet e para hetimore për të zbardhur shkaqet e plota të aksidentit.