🌦️
Tiranë 18°C · Rrebesh i lehtë 18 Nëntor 2026
S&P 500 7,330 ▼0.14%
DOW 50,259 ▼0.99%
NASDAQ 24,431 ▲0.42%
NAFTA 83.46 ▼1.41%
ARI 3,762 ▼2.63%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $63,576 ▼ -2.21% ETH $1,771 ▼ -2.1% XRP $0.9826 ▲ +1.17% SOL $73.9400 ▲ +0.54%
S&P 500 7,330 ▼0.14 % DOW 50,259 ▼0.99 % NASDAQ 24,431 ▲0.42 % NAFTA 83.46 ▼1.41 % ARI 3,762 ▼2.63 % S&P 500 7,330 ▼0.14 % DOW 50,259 ▼0.99 % NASDAQ 24,431 ▲0.42 % NAFTA 83.46 ▼1.41 % ARI 3,762 ▼2.63 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Kronika

Aksidentet rrugore, qytetarëve nuk do t’u mbahet më një pjesë e dëmshpërblimit! Pagesat brenda 14 ditëve për dëmet de

Qytetarët e dëmtuar në aksidente rrugore nuk do të penalizohen më me pjesën e zbritshme të dëmit, të njohur si franshizë, ndërsa për aksidentet me dëme të vogla materiale kompanitë e sigurimit do të detyrohen të kryejnë pagesat brenda 14 ditëve kalendarike.

Këto janë disa nga ndryshimet që parashikon projektligji i ri për sigurimin e detyrueshëm motorik, i hartuar nga Ministria e Financave.

Një nga risitë kryesore lidhet me rritjen e vlerës së dëmeve që trajtohen përmes procedurës së përshpejtuar. Nëse aktualisht kjo procedurë zbatohet për dëme deri në 100 mijë lekë, me ndryshimet e propozuara pragu do të rritet në 250 mijë lekë.

Për këto raste, kompanitë e sigurimit do të kenë detyrimin të kryejnë dëmshpërblimin brenda dy javëve nga paraqitja e kërkesës.

“Detyrimi për pagesën e dëmshpërblimit të kërkesave me vlerë të vogël bëhet brenda 14 ditëve kalendarike nga paraqitja e kërkesës”, thuhet në projektligjin e Ministrisë së Financave.

Një tjetër ndryshim i rëndësishëm është heqja e franshizës për palët e dëmtuara. Kjo do të thotë se qytetarëve që kërkojnë kompensim nga sigurimi i detyrueshëm nuk do t’u zbritet më një pjesë e vlerës së dëmit.

“Një risi thelbësore është ndalimi i aplikimit të pjesës së zbritshme ose franshizës ndaj palëve të dëmtuara”, thuhet në projektligjin e Ministrisë Financave.

Ndërkohë, për aksidentet ku personi përgjegjës nuk ka siguracion ose nuk identifikohet, projektligji parashikon vijimin e kompensimit të të dëmtuarve përmes Fondit të Kompensimit.

Ndryshimet përfshijnë edhe rritjen e kufijve minimalë të mbulimit të sigurimit për dëmet ndaj personave dhe pronës. Megjithatë, këto vlera të reja nuk do të zbatohen menjëherë.

Sipas draftit, kufijtë e rinj të kompensimit do të hyjnë në fuqi me anëtarësimin e Shqipërisë në Bashkimin Europian, ndërsa deri atëherë do të vijojë zbatimi i regjimit kalimtar.

Projektligji synon të përshpejtojë procedurat e dëmshpërblimit, të forcojë mbrojtjen e qytetarëve të dëmtuar në aksidente dhe të rrisë përgjegjësitë e kompanive të sigurimit. /Top Channel/

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.