Asistentja personale e Ivanka Trump diagnostikohet me COVID-19
Asistentja personale e Ivanka Trump, vajzës dhe këshilltares së presidentit amerikan Donald Trump, është diagnostikuar me koronavirusin e ri (COVID-19).
Sipas CNN, asistentja tashmë dy muaj punon nga distanca për shkak të pandemisë.
Siç raportohet, ajo nuk ka shfaqur asnjë simptomë të virusit.
Po ashtu njoftohet se Ivanka Trump dhe bashkëshorti i saj Jared Kushner dje rezultuan negativë në testin për COVID-19.
Më herët u raportua se 11 anëtarë të Shërbimit Sekret të SHBA-së janë diagnostikuar me virusin, por nuk u shpalosën detaje nëse kanë pasur kontakt me presidentin ose nënpresidentin amerikan.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.