Atletico “dorëzohet” për Alvarez, gjen zëvendësuesin e argjentinas. Një nga 9-shat më të mirë në qarkullim

Pavarësisht insistimit të vazhdueshëm për të mos lejuar largimin e Julian Alvarez drejt Barcelonës, Atletico Madrid po punon në anën tjetër për të gjetur një zëvendësues të denjë për argjentinasin.

Sipas AS, në rast largimi të Alvarez, gjë që duket e pashmangshme, Atletico Madrid do të synojë transferimin e Victor Osimhen. Nigeriani po shkëlqen te Galatasaray, ku pas dy sezonesh numëron 74 ndeshje, të në të cilat ka shënuar 59 gola dhe ka dhënë 16 asiste.

Osimhen është nën kontratë me klubin turk deri në vitin 2029. Largimi nga Galatasaray nuk do të jetë edhe aq i lehtë, duke ditur rëndësinë e madhe që nigeriani ka te klubi turk. Është ende herët të flitet për shifra, por vlera e Osimhen në treg është rreth 100 milionë euro.