Balla sulmon Berishën: Piromani më i dëmshëm i Shqipërisë, për 36 vite në politikë mbahet mend për molotovë dhe zjarr

Kreu i grupit parlamentar të Partisë Socialiste, Taulant Balla, ka reaguar në rrjetet sociale pas deklaratave të Sali Berishës për situatën e zjarreve dhe zjarrfikësit.

Në një reagim të publikuar në Facebook, Balla e sulmon ashpër kreun e Partisë Demokratike, duke e cilësuar si “piromanin më të dëmshëm të Shqipërisë” dhe duke ironizuar qëndrimet e tij për zjarrfikësit.

“Ja dhe bufi Sali, piromani më i dëmshëm i Shqipërisë që flet për zjarrfikësit”, shkruan Balla, ndërsa shton se për 36 vite në politikë, Berisha mbahet mend, sipas tij, “vetëm për molotovë dhe zjarre”.

Balla e lidh gjithashtu Berishën me protestën, duke pretenduar se “sorrat dhe Saliu janë bashkë”.

Në fund të reagimit, kreu i grupit të PS-së shpreh mbështetje për punonjësit e shërbimit zjarrfikës, duke theksuar: “ZJARRFIKËSIT MERITOJNË RESPEKT DHE MBËSHTETJE”.