Bankat sipas origjinës së kapitalit, 14 me kapital të huaj

Sipas Bankës së Shqipërisë, në fund të muajit qershor 2014, bankat ndahen sipas madhësisë së aktivitetit në:
Banka të Grupit 1 (secila nga 0-2% të totalit të aktiveve të sektorit): Banka e Bashkuar e Shqipërisë, Veneto Banka, Banka Ndërkombëtare Tregtare, Banka e Parë e Investimeve, Banka e Kreditit të Shqipërisë;
Banka të Grupit 2 (secila nga 2-7% të totalit të aktiveve të sektorit): Banka Procredit, Banka Credit Agricole, Banka Kombëtare e Greqisë, Banka Societe Generale – Albania, Banka Alfa – Shqipëri, Banka Union;
Banka të Grupit 3 (secila mbi 7% të totalit të aktiveve të sektorit): Banka Raiffeisen, Banka Credins, Banka Kombëtare Tregtare, Banka Intesa Sanpaolo –Shqipëri, Banka Tirana.
Në fund të muajit qershor 2014, bankat ndahen sipas origjinës së kapitalit në:
-me kapital të huaj1[1]: Banka Raiffeisen (Austri); Banka Intesa Sanpaolo – Shqipëri, Veneto Banka (Itali); Banka Alfa-Shqipëri, Banka Tirana, Banka Kombëtare e Greqisë (Greqi); Banka Kombëtare Tregtare (Turqi); Banka Societe Generale, Banka Credit Agricole (Francë); Banka Procredit (Gjermani); Banka e Parë e Investimeve (Bullgari); Banka Ndërkombëtare Tregtare (Malajzi); Banka e Bashkuar e Shqipërisë (Banka Islamike e Zhvillimit); Banka e Kreditit të Shqipërisë (Kuvait); me kapital shqiptar: Banka Credins, Banka Union.
Në fund të muajit qershor 2014, shtrirje të rrjetit të degëve jashtë vendit evidentohen te Banka Kombëtare Tregtare, në Kosovë.