Barrack: Trump nuk e ndoqi Izraelin në luftën kundër Iranit

Presidenti amerikan Donald Trump nuk e ndoqi Izraelin në nisjen e luftës kundër Iranit, deklaroi të martën i dërguari amerikan Tom Barrack, siç njofton Al Jazeera.

“Kur Izraeli sulmoi, ai sulmoi vetë, me nismën e vet. Presidenti Trump — ne nuk po e ndjekim atë rrugë”, tha Barrack, i dërguari i SHBA-së për Sirinë dhe ambasadori në Turqi, gjatë një bisede në Web Summit në Doha.

Barrack hodhi poshtë edhe pretendimet se mes SHBA-së dhe Izraelit ka pasur një koordinim që e ka shtyrë Trump-in drejt luftës. “Jemi në të njëjtin kod postar”, tha ai, duke nënkuptuar afërsinë mes dy vendeve, por jo një vendimmarrje të përbashkët për sulmin.

Sipas tij, roli i Shteteve të Bashkuara në rajon mbetet mbrojtës: Uashingtoni ofron mbështetje mbrojtëse dhe shoqërim për anijet në Ngushticën e Hormuzit, por nuk do të dërgojë trupa në terren.