Bllokimi i fluturimeve në SHBA, Sekretari i Sigurisë: Zgjidhja do të kërkojë kohë, të gjithë janë të sigurt

Sekretari amerikan i Sigurisë Kombëtare, Markwayne Mullin, paralajmëroi se zgjidhja e problemit që ka shkaktuar ndalimin e nisjes së fluturimeve në SHBA do të kërkojë kohë dhe nuk pritet të arrihet brenda një ore.

Duke folur me gazetarët në Shtëpinë e Bardhë, Mullin tha se komunikimet po vijojnë dhe se disa avionë po arrijnë të ulen, ndërsa urdhri për ndalimin e nisjeve mbetet në fuqi.

“Do të kërkojë kohë. Nuk është diçka që do të zgjidhet dhe do të kthehet në normalitet brenda një ore. Do të kërkojë kohë. Por të gjithë janë të sigurt. Të gjitha fluturimet janë të identifikuara dhe nën vëzhgim. Publiku nuk duhet të ketë frikë”, deklaroi ai.

Mullin nuk dha një afat të saktë për rikthimin e funksionimit normal të transportit ajror, por u bëri thirrje qytetarëve të ruajnë qetësinë.