Daçiç: Serbia meriton kritika për organizimin e ndeshjes

Beograd, 19 tetor – Ministri i Jashtëm serb Ivica Daçiç, duke komentuar deklaratën e kryeministrit shqiptar Edi Rama, sipas të cilit “Shqipëria është një model frymëzimi për të ardhmen”, deklaroi se “nuk mendoj që Shqipëria e Madhe është modeli i së ardhmes së rajonit”.

Daçiç pranoi se Serbia meriton kritika për gabime në organizimin e ndeshjes së futbollit Serbi – Shqipëri, por Shqipëria e meriton dënimin më të fortë, për provokimin me “Shqipërinë e Madhe”.

“Kjo mund të jetë dëshira e politikanëve “shqiptaro- mëdhenj”, por për BE, SHBA dhe të gjitha vendet e rajonit është rrezik për destabilizimin dhe për konflikte të reja në Ballkan”, tha Daçiç.